ເວັບໄຊ໌ເຊື່ອມໂຍງ

ວາລະສານໄອຊີທີ ລາວ

ຜູ້ໃຫ້ບໍລິການທາງດ້ານໂທລຄົມ

Slider

ຈຳນວນຜູ້ເຂົ້າຢ້ຽມຊົມເວັບໄຊ

34183
ວັນນີ້ວັນນີ້21
ວານນີ້ວານນີ້55
ອາທິດນີ້ອາທິດນີ້111
ເດືອນນີ້ເດືອນນີ້1502
ລວມທັງໝົດລວມທັງໝົດ34183
Arrow
Arrow
ArrowArrow
Slider

ພະແນກ ປທສ ແຂວງສະຫວັນນະເຂດ ເຂົ້າຮ່ວມການຝຶກອົບຮົມສ້າງຄວາມເຂັ້ມແຂງວຽກງານແຜນການ ຢູ່ແຂວງເຊກອງ.

    ໃນ​ຄັ້ງວັນ​ທີ 29-30 ສິງຫາ 2017 ກົມແຜນການ ແລະ ການຮ່ວມມື (ກະຊວງໄປສະນີ, ໂທລະ​ຄົມມະນາຄົມ ແລະ ການສື່ສານ) ໄດ້ຈັດຝຶກອົບຮົມກ່ຽວກັບ ການສ້າງຄວາມເຂັ້ມແຂງວຽກງານແຜນການທີ່ພະແນກ ປທສ ແຂວງເຊກອງ ໃຫ້ພະນັກງານວິຊາການ ແລະ ບໍລິສັດຈຳນວນໜື່ງ ເພື່ອໃຫ້ມີຄວາມເຂົ້າໃຈເພີ່ມຕື່ມຕໍ່ວຽກງານ ແຜນການ ໃຫ້ມີເນື້ອໃນກະທັດຫັດຖືກຕ້ອງຕາມແບບຟອມຂອງກະຊວງ ໃຊ້ເຂົ້າໃນວຽກງານທີ່ຕົນຮັບຜິດຊອບຢ່າງມີປະສິດທິຜົນ ຢູ່ແຂວງເຊກອງ (ພະແນກ ປທສ ແຂວງ)  ໂດຍການເປັນປະທານ ຂອງທ່ານ ພູຂົງ ຈິດຮູບໂລກ  ຫົວໜ້າກົມແຜນການ ແລະ ການຮ່ວມມື ແລະ ທ່ານ ສຸພັນ ສາຍເຊກອງ ຫົວໜ້າພະແນກ ປທສ ແຂວງເຊກອງ ເປັນປະທານຮ່ວມ ແລະ ບັນດາຫົວໜ້າ, ຮອງຫົວໜ້າພະແນກ, ຫົວໜ້າແຜນການ-ການເງິນ ແລະ ວິຊາການແຜນການ-ການເງິນ ພະແນກ ປທສ 08 ແຂວງພາກໃຕ້ ເຂົ້າຮ່ວມມີນັກສໍາມະນາກອນເຂົ້າຮ່ວມທັງໝົດ 32 ທ່ານ, ຍິງ 07 ທ່ານ.

  • ​ເອກະສານ​ທີ່​ນຳ​ມາບັນລະຍາຍເຂົ້າໃນກອງປະຊຸມຝຶກອົບຮົມມີ:
  1. ເອກະສານແບບຟອມ ສະຫຼຸບປະຈໍາເດືອນ, 3ເດືອນ, 6 ເດືອນ
  2. ເອກະສານຫຼັກການ ແລະ ເຕັກນິກການຂຽນບົດສະເໜີໂຄງການ
  3. ເອກະສານແບບຟອມ ສົ່ງເສີມວິຊາການ I-1
  4. ເອກະສານແບບຟອມ ຈັດຊື້ອຸປະກອນ I-1
  5. ເອກະສານແບບຟອມ ກໍ່ສ້າງ I-3

ທ່ານ ພູຂົງ ຈິດຮູບໂລກ ໄດ້ກ່າວວ່າ: ວຽກງານແຜນການແມ່ນວຽກງານໜຶ່ງທີ່ສຳຄັນ ແລະ ຈຳເປັນທີ່ຈະຕ້ອງໄດ້ຍົກລະດັບຄວາມຮູ້, ຄວາມສາມາດ ແລະ ຄວາມຊໍານານໃຫ້ແກ່ພະນັກງານວິຊາການທຸກຂັ້ນ ໃນການສ້າງແຜນການປີ, ການສະຫຼຸບແຜນການ, ການຂຽນໂຄງການລົງທືນຂອງລັດໃຫ້ຖືກຕ້ອງ ແລະ ສອດຄ່ອງກັບແຜນພັດທະນາຂອງຂະແໜງ ປທສ ເພື່ອເຮັດໃຫ້ແຜນພັດ ທະນາ 5 ປີຄັ້ງທີ II (2016-2020) ຂອງຂະແໜງ ປທສ ໃຫ້ບັນລຸຈຸດປະສົງ ແລະ ລະດັບຄາດໝາຍທີ່ກຳນົດໄວ້. ນອກຈາກນີ້, ບັນດາຜູ້ແທນແຕ່ລະແຂວງ ທີ່ເຂົ້າຮ່ວມກໍ່ໄດ້ຂື້ນລາຍງານສະພາບໂດຍຫຍໍ້ ກ່ຽວກັບຜົນງານອັນພົ່ນເດັ່ນ, ຂໍ້ສະດວກ, ຂໍ້ຫຍຸ້ງຍາກ ແລະ ວິທີແກ້ໄຂໃນການຈັດຕັ້ງປະຕິບັດແຜນການປີ 2017 ໂດຍສະເພາະການຈັດຕັ້ງປະຕິບັດແຜນໃນໄລຍະ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ.

    ໃນຕອນເຊົ້າວັນທີ 30 ສິງຫາ 2017 ໂດຍແມ່ນທ່ານ ພູຂົງ ຈິດຮູບໂລກ ຫົວໜ້າກົມແຜນການ ແລະ ການຮ່ວມມື ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ຂື້ນກ່າວປິດກອງປະຊຸມຝຶກອົບຮົມຢ່າງເປັນທາງການ.