ເວັບໄຊ໌ເຊື່ອມໂຍງ

ວາລະສານໄອຊີທີ ລາວ

ຜູ້ໃຫ້ບໍລິການທາງດ້ານໂທລຄົມ

Slider

ຈຳນວນຜູ້ເຂົ້າຢ້ຽມຊົມເວັບໄຊ

37318
ວັນນີ້ວັນນີ້25
ວານນີ້ວານນີ້86
ອາທິດນີ້ອາທິດນີ້90
ເດືອນນີ້ເດືອນນີ້2457
ລວມທັງໝົດລວມທັງໝົດ37318
Arrow
Arrow
ArrowArrow
Slider

ປະກາດແຕ່ງຕັ້ງເລຂາຄະນະພັກຮາກຖານພະແນກ ປທສ ແຂວງ ແລະ ອອກບັດ-ມອບບັດໃຫ້ສະມາຊິກພັກສົມບູນຂອງຮາກຖານພັກ

   

   ໃນວັນທີ 26 ມິຖຸນາ 2018 ທີ່ຫ້ອງປະຊຸມພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ໄດ້ມີພິທີປະກາດແຕ່ງຕັ້ງ ເລຂາຄະນະພັກຮາກຖານພະ ແນກໂປສະນີ, ໂທລະຄົມມະນາຄົມ ແລະ ການສື່ສານ ແລະ ອອກບັດ-ມອບບັດໃຫ້ສະມາຊິກພັກສົມບູນ ຂອງຮາກຖານພັກ ຊຸດທີ IV ເຊິ່ງເຂົ້າຮ່ວມເປັນປະທານໂດຍສະຫາຍ ສັນຕິພາບ ພົມວິຫານ ກໍາມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ ມີຫົວໜ້າ ແລະ ຮອງຫົວໜ້າພະແນກອ້ອມຂ້າງແຂວງ, ການຈັດຕັ້ງມະຫາຊົນ, ພະນັກງານວິຊາການພາຍໃນ ພະແນກໄປສະນີ ໂທລະຄົມມະນາຄົມ ແລະ ການສື່ສານ ພ້ອມດ້ວຍພາກສ່ວນກ່ຽວຂ້ອງທີ່ຂື້ນກັບພະແນກກໍ່ໄດ້ເຂົ້າຮ່ວມນຳ

          ອີງຕາມກົດລະບຽບຂອງພັກປະຊາຊົນປະຕິວັດລາວ X ໝວດທີ II ມາດຕາ 9 ຫຼັກການຈັດຕັ້ງຮາກຖານພັກ, ມາດຕາທີ 13 ວ່າດ້ວຍການບົ່ງຕົວແຕ່ງຕັ້ງໂຍກຍ້າຍ ແລະ ການສິ້ນສຸດເປັນກຳມະການພັກ, ອີງໃສ່ການຄົ້ນຄວ້າ ແລະ ນຳສະເໜີຂອງຄະນະຈັດຕັ້ງແຂວງ ເລກທີ 0744 ລົງວັນທີ 29 ພຶດສະພາ 2018 ແລະ ມະຕິຕົງລົງຂອງຄະນະປະຈຳພັກແຂວງ ວ່າດ້ວຍການບົ່ງຕົວແຕ່ງຕັ້ງເລຂາຂະນະພັກຮາກຖານໄປສະນີ, ໂທລະຄົມມະນາຄົມ ແລະ ການສື່ສານ ຕົກລົງແຕ່ງຕັ້ງສະຫາຍ ບຸນດາໄລ ເຄນນະວົງ ເປັນເລຂາຄະນະຮາກຖານພະແນກໄປສະນີ ໂທລະຄົມມະນາຄົມ ແລະ ການສື່ສານ ແຂວງສະຫວັນນະເຂດ

          ໃນວັນດຽວກັນນີ້, ພະແນກໄປສະນີ ໂທລະຄົມມະນາຄົມ ແລະ ການສື່ສານ ກໍ່ໄດ້ມີພິທີອອກບັດ - ມອບບັດໃຫ້ສະມາຊິກພັກສົມບູນຂອງຮາກຖານພັກ ຊຸດທີ IV ຂອງຮາກຖານພັກໄປສະນີ ໂທລະຄົມມະນາຄົມ ແລະ ການສື່ສານ ມີ 6 ສະຫາຍດັ່ງນີ້: ສະຫາຍ ໄຊຍະວົງ ບຸດສະບົວບານ, ສະຫາຍນາງ ສີດາວອນ ສິດທິຊົນ, ສະຫາຍນາງ ວິມົນລັດ ວົງໄຊຍາ, ສະຫາຍ ຕຳແໜ່ງ ສີບຸນເຮືອງ, ສະຫາຍນາງ ສຸກສະຫວາດ ກຽດຕະວົງ, ສະຫາຍ ຈິດ ຄູນລາດສຸວັນນະວົງ ຮາກຖານພະແນກໄປສະນີ ໂທລະຄົມມະນາຄົມ ແລະ ການສື່ສານ ເປັນຮາກຖານພັກໜື່ງທີ່ຂື້ນກັບຄະນະບໍລິຫານງານພັກແຂວງ ສ້າງຕັ້ງຂື້ນໃນວັນທີ 25/06/2010 ມາຮອດປັດຈຸບັນມີ 4 ໜ່ວຍພັກທີ່ຂື້ນກັບຮາກຖານພັກ ມີສະມາຊິກພັກທັງໝົດ 69 ສະຫາຍ ຍິງ 22 ສະຫາຍ, ສະມາຊິກພັກສຳຮອງ 15 ສະຫາຍ, ຍິງ 6 ສະຫາຍ

          ໃນທ້າຍພິທີ, ສະຫາຍ ສັນຕິພາບ ພົມວິຫານ ກໍ່ໄດ້ໃຫ້ກຽດໂອ້ລົມຕໍ່ສະມາຊິກພັກ ພະນັກງານຫຼັກແຫຼ່ງ ສະມາຊິກພັກທີ່ຂື້ນກັບຮາກຖານພັກພະແນກໄປສະນີ ໂທລະຄົມມະນາຄົມ ແລະ ການສື່ສານ ກ່ຽວກັບການສືກສາອົບຮົມການເມືອງ-ແນວຄິດ ໃຫ້ສະມາຊິກພັກທີ່ຈຳເປັນຕ້ອງໄດ້ເອົາວຽກພັດທະນາພະນັກງານເປັນກົກເຮັດໃຫ້ຮັບຮູ້ເຂົ້າໃຈ ເຊື່ອມຊິມຕໍ່ແນວທາງນະໂຍບາຍຂອງພັກ, ມະຕິຄຳສັ່ງ, ກົດລະບຽບຂອງພັກ, ກົດໝາຍຂອງລັດ ແລະ ເອົາໃຈໃສ່ຜັນຂະຫຍາຍມະຕິຄຳສັ່ງ, ຂໍ້ຕົກລົງຕ່າງໆ ສ້າງຂະບວນການຈັດຕັ້ງຂົນຂວາຍຂະຫຍາຍມະຫາຊົນຜູ້ກ້າວໜ້າເຂົ້າເປັນສະມາຊິກພັກ ໃຫ້ນັບມື້ນັບຫຼາຍຂື້ນ