ເວັບໄຊ໌ເຊື່ອມໂຍງ

ວາລະສານໄອຊີທີ ລາວ

ຜູ້ໃຫ້ບໍລິການທາງດ້ານໂທລຄົມ

ຈຳນວນຜູ້ເຂົ້າຢ້ຽມຊົມເວັບໄຊ

23071
ວັນນີ້ວັນນີ້35
ວານນີ້ວານນີ້69
ອາທິດນີ້ອາທິດນີ້318
ເດືອນນີ້ເດືອນນີ້1073
ລວມທັງໝົດລວມທັງໝົດ23071
Arrow
Arrow
ArrowArrow

ພະແນກ ປທສ ແຂວງສະຫວັນນະເຂດ ຜ່ານຮ່າງດຳລັດວ່າດ້ວຍການຂື້ນທະບຽນເລກໝາຍໂທລະສັບ.

    ພະແນກໄປສະນີ, ໂທລະຄົມມະນາຄົມ ແລະ ການສື່ສານ ໄດ້ຈັດກອງປະຊຸມຜ່ານຮ່າງດຳລັດວ່າດ້ວຍການຂື້ນທະບຽນເລກໝາຍໂທລະສັບ ໃນວັນທີ 6 ທັນວາ 2017 ນີ້, ທີ່ຫ້ອງປະຊຸມພະແນກ ປທສ, ໂດຍການເປັນປະທານຂອງ ທ່ານ ບຸນດາໄລ ເຄນນະວົງ ກໍາມະການພັກແຂວງຫົວໜ້າພະແນກ ປທສ ແຂວງ, ມີຜູ້ຕາງໜ້າຈາກບັນດາພະແນກການອ້ອມຂ້າງແຂວງ ແລະ ບັນດາບໍລິສັດລັດວິສາຫະກິດ ທີ່ຂຶ້ນກັບພະແນກ ປທສ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

          ໃນການຈັດກອງປະຊຸມຄັ້ງນີ້ ແມ່ນເພື່ອຄົ້ນຄ້ວາ ແລະ ປະກອບຄຳເຫັນໃສ່ຮ່າງດຳລັດ ວ່າດ້ວຍການຂື້ນທະບຽນເລກໝາຍໂທລະສັບ ຊື່ງຮ່າງດຳລັດດັ່ງກ່າວປະກອບມີ ທັງໝົດ 10 ໝວດ ແລະ 50 ມາດຕາ ເນື້ອໃນສຳຄັນແມ່ນ ທຸກຄົນທີ່ນຳໃຊ້ເລກໝາຍໂທລະສັບຈະຕ້ອງຂື້ນທະບຽນເລກໝາຍໂທລະສັບຂອງຕົນໃຫ້ຖືກຕ້ອງຊັດເຈນ ເພື່ອກຳນົດນະໂຍບາຍ ຫຼັກການ, ເງື່ອນໄຂການເປັນຕົວແທນຈຳໜ່າຍ ແລະ ຜູ້ນຳໃຊ້ເລກໝາຍໂທລະສັບ, ວິ ທີການຂື້ນທະບຽນ, ການຮັກສາຂໍ້ມູນ, ການກວດກາ, ລາຍງານຂໍ້ມູນ, ກຳນົດສິດ ແລະ ພັນທະຂອງຜູ້ໃຫ້ບໍລິການ ແລະ ຜູ້ໃຊ້ບໍລິການ, ພ້ອມທັງກຳນົດຂໍ້ຫ້າມ ແລະ ມາດຕະການຕໍ່ຜູ້ລະເມີດຕ່າງໆ. ຊຶ່ງໄລຍະຜ່ານມາ ວຽກງານຂື້ນທະບຽນເລກໝາຍໂທລະສັບ ແມ່ນມີແຈ້ງການຂອງ ຫ້ອງວ່າການລັດຖະບານ, ໃນປີ 2011, ແມ່ນຈັດຕັ້ງປະຕິບັດການຄຸ້ມຄອງເລກໝາຍໂທລະສັບ ກໍ່ຄືການຂື້ນທະບຽນຜູ້ນໍາໃຊ້ເລກໝາຍໂທລະສັບ ແມ່ນຍັງບໍ່ສອດຄ່ອງກັບສະ ພາບຄວາມເປັນຈິງ ແລະ ບໍ່ມີລະບົບເຕັກນິກນຳໃຊ້ໃນການຂື້ນທະບຽນ. ຖ້າອີງໃສ່ໃນດ້ານນຕິກຳ ກະຊວງ ປທສ ໄດ້ອອກຂໍ້ນໍານົດ ວ່າດ້ວຍ ການຄຸ້ມຄອງ ຊິມກາດໂທລະສັບແບບຕື່ມເງີນ ເພື່ອຄຸ້ມຄອງເລກໝາຍໂທລະສັບແບບຕື່ມເງີນເທົ່ານັ້ນ ສ່ວນປະເພດອື່ນໆແມ່ນຍັງບໍ່ທັນມີນິຕິກໍາຄຸ້ມຄອງແບບລວມສູນ, ສະນັ້ນ, ຈື່ງມີຄວາມຈຳ ເປັນໃນການສ້າງນິຕິກຳໃຫ້ເປັນລະບົບ ແລະ ຄຸ້ມຄອງເລກ ໝາຍໂທລະສັບ ໃນ ສປປ ລາວ ແລະ ຄຽງຄູ່ກັນກັບການນຳໃຊ້ລະບົບເຕັກນິກ ການລົງທະບຽນໃນຮູບແບບໃໝ່ທີ່ທັນສະໄໝ ຊື່ງກະຊວງ ປທສ ໄດ້ກະກຽມຄວາມພ້ອມຂອງລະບົບດັ່ງກ່າວແລ້ວ. ເມື່ອດຳລັດວ່າດ້ວຍ ການຂື້ນທະບຽນເລກໝາຍໂທລະສັບສະບັບນີ້ສຳເລັດກໍ່ຈະສາ ມາດເປີດ ນໍໍາໃຊ້ໄດ້ໃນຂອບເຂດທົ່ວປະເທດ ແລະ ຈະເປັນຜົນດີໃຫ້ແກ່ວຽກງານປ້ອງກັນຊາດ-ປ້ອງກັນຄວາມສະຫງົບອີກດ້ວຍ.